Aisa nahi ke hum ko mohabbat nahi mili

Aisa nahi ke hum ko mohabbat nahi mili
Jaisi chahte thhey  hum ko woh ulfat nahi mili
Milne ko zindagi mein kai humsafar mile
Par un ki tabiyat se tabiyat nahi mili
Chehron mein doosron ke tumein dhoondte rahe
Soorat nahi mili kahin seerat nahi mili
Bahaut der se aaya tu mere pass kya kahun
Ilfaaz dhoondne ki bhi mohlat nahi mili
Tujh ko gila raha ke tuwajjo na di tujhe
Lekan hamein khud apni mohabbat nahi mili
Her shakhs zindagi mein bahri der se mila
Koi bhi cheez waqte zaroorat nahi mili
Hum ko to teri aadat achhi lagi
Afsos keh tujh se meri aadat nahi mili

Leave a Comment

This site uses Akismet to reduce spam. Learn how your comment data is processed.